Почитувани родители, Ве известуваме дека ООУ„Лазо Ангеловски“, општина Аеродром, од 20.06.2018 година ќе ги  издава потврдите за  запишани ученици во прво одделение за учебна 2018/2019 година. Потврдите се наменети да Ви послужат за остварување на паричен надоместок во износ од 3500 денари за запишан ученик во I одделение од страна на Општина Аеродром.

Потврдата заедно со останатите потребни документи може да се поднесат во Општина Аеродром секој работен ден од од 09:00 до 15:00 часот во канцеларија број 19.

На ден 9.6.2018 година во просториите на Влада на Република Македонија се одржа завршниот свечениот настан „Предизвикот за млади истражувачи“.  Целта на настанот беше доделување на награди на 20 училишта кои имаа најуспешни истражувачки проекти во рамки на јавниот повик „Предизвик за млади истражувачи“ кој беше отворен од 31 ноември 2017 година до 15 февруари 2018 година.

На настанот се обратија:

• Претседателот на Влада на Република Македонија, г-дин Зоран Заев,
• Министерот за образование и наука, д-р Арбер Адеми и
• Директорот на Фондот за иновации и технолошки развој, г-дин Јован Деспотовски.

На јавниот повик „Предизвикот за млади истражувачи“ учествуваа тимови од 98 училишта и сите добија сертификати за успешно учество на предизвикот, но само 20 основни и средни училишта меѓу кои и нашето училиште, беа наградени и чиишто истражувачки проекти се одобрени за финансирање од Фонд за иновации и технолошки развој.

Нашето училиште учествуваше со проектот ИоТ аквапоничен рециклирачки систем. Тимот на ООУ„Лазо Ангеловски“ го сочинуваат учениците: Ѓорѓи Чунгурски, Мила Пандилеска, Ивана Коцева, Стефан Кочовски заедно со менторите: Цветанка Малческа наставник по биологија и Марија Ѓорѓевиќ наставник по информатика.

На ден 8.6.2018 година се одржа свечено прогласување на првенец на генерација (Кристина Тасева од IX-1 одд.) и најдобрите ученици во генерацијата 2009-2018г. Честитки и многу успех!

Во рамките на Еразмус+ КА219 проектот „Да ја обоиме иднината“ (Let’s ART the future) беше одржан шестиот интернационален координативен состанок во периодот од 23-25.05.2018 година во Виена, Автсрија. На состанокот присуствуваат членови од партнер-училиштата од Турција, Бугарија, Романија, Австрија, Италија и Македонија. Од нашето училиште беа присутни координаторот на проектот, Љубица Ружинска, директорот, Перо Арсеновски, одделенскиот наставник, Марина Нанева и наставникот по англиски јазик Марина Николовска-Ристова.

Цели на состанокот беа:

• посета на надгледни часови-примери на добра пракса;
• креативни работилници за методите на подучување на уметност;
• евалуација на остварените проектни активности и исходи;
• разговор за раководењето на проектот, проектната документација, финалниот извештај за проектот и финансиската документација;
• евалуација на целиот проект.

За време на состанокот беше прикажано видеото од проектот „Да ја обоиме иднината“ во кои се опфатени сите активности реализирани во рамките на истиот.

Во рамките на Еразмус+ КА219 проект „Да ја обоиме иднината“, предвидена е активноста фолк приказни. Секое партнер-училиште избра една своја национална традиционална фолк приказна која се напиша на англиски јазик и се илустрираше. Од собраните приказни потоа се изработи Збирка со традиционални фолк приказни.

Учениците од партнер-земјите потоа драматизира една од приказните. Учениците од Македонија ја драматизираа романската фолк приказна за време на петтиот интернационален координативен состанок кој се одржа во Скопје во периодот од 28.02-02.03.2018 година. Изведбата на учениците можете да ја проследите подолу.

Учениците од Романија пак ја драматизираа македонската фолк приказна. Видеата од нивната драматизација можете да ги проследите подолу.