УЧЕНИЦИТЕ ОД ОУ„ЛАЗО АНГЕЛОВСКИ“ СЕ ВКЛУЧИЈА ВО КАМПАЊАТА „МАКЕДОНИЈА ЗЕМЈА НА РОЗИТЕ“

Во рамки на Националната еколошка кампања „Македонија земја на цвеќето – Земја на розата“, која ја координира Министерството за животна средина и просторно планирање на 21.3.2014 година – Денот на пролетта се одржаа продажна изложба на цветни креации направени од учениците.
Собраните средства од изложбите на учениците ќе се искористат за набавка на рози, кои подоцна ќе се засадат во училишните дворови.
Покрај продажната изложба училиштата имаа и други еколошки активности, садеа рози и други цвеќиња, ги чистеа училниците и училишните двори и сл.
Исто така, во рамки на кампањата во Општина Аеродром во тек е конкурс за избор на најдобри ученички творби и креации во училишта што го организираат Регионалниот центар за животна средина и еколошкото друштвото „Пакомак“.
Најдобрите творби ќе бидат наградени и тоа 3 категории според возраста на учениците односно, по три места за учениците од 1-во до 3-то одделение, од 4-то до 6-то и од 7-мо до 9-то одделение.
Првонаградените творби ќе добијат таблет, второрангираните ќе бидат наградени со научно-енциклопедиски изданија, а најдобрата тројка ќе добие слатки пакети од Европа.

               На 18.3.2014 год. учениците од ОУ „Лазо Ангеловски“ заедно со библиотекарот и наставниците по македонски јазик организирано ја посетија Спомен – собата на браќата Миладиновци „Т’га за југ“ во Градската библиотека „Браќа Миладиновци“, Скопје.

            Целта на организираната посета беше учениците да ги прошират стекнатите знаења за животниот пат на струшките браќа Константин и Димитар Миладонови, а воедно да ја осознаат нивната значајна улога во историјата на преродбенската борба на македонскиот народ. Пред сè, учениците се запознаа со поетското творештво на основоположникот на македонската уметничка поезија Константин Миладинов, како и со собирачката дејност на браќата Миладиновци претставена преку Зборникот на народни умотворби, камен – темелникот на македонската култура и историја.

            Во рамките на посетата, учениците добија можност да ги разгледаат одделите за литература за деца и за возрасни и да се запознаат со работата на централната библиотека.

На 15.3.2014 година во ОУ „Лазо Ангеловски“ се одржа вториот интернационален натпревар по англиски јазик „Хипо Компетишн“ во кој учествуваа 76 ученици.
Учениците се натпреваруваа во читање, слушање и пишување краток состав. Најдобрите ученици заедно со други ученици од европските земји ќе се натпреваруваат во финалето на 10-ти и 11-ти мај 2014 година во Италија.
Натпреварот е организиран од страна на Глобал хипо асоцијацијата, кој истовремено се одржува во неколку балкански земји.