Во март 2015г. Гете институтите од Македонија и Турција распишаа конкурс за филмски натпревар наменет за учениците од училиштата кои учат Германски јазик од прво одд.Задачата беше учениците да подготват и одглумат сцена од филмот „Бескрајна приказна“.

Особено со својата глума се истакнаа ученичките од нашето ООУ„Лазо Ангеловски„ Гала Атанасова и Ева Стојановска од 8-2 одд. предводени од нивниот ментор наставник по германски јазик Симона Чиковска-Зафировска.Наградата за победниците е стипендија за учество на театарски камп во Охрид.

По повод Деновите на Франкофонијата во Македонија се претставија младите танчери оо француската секција.Деновите на Франкофонијата во нашето училиште беа одбележани со ликовна изложба.Ученикот Андреј Талески освои второ место на државниот натпревар по speling. Ученичката Ива Угриновска освои трето место на Олимпијада по француски јазик и четврто место на државен натпревар по диктат.Младите музичари Николина и Иван се претставија со песната La derniere danse-Indila на Франкофонската вечер во Домот на АРМ.

Ова се само највпечатливите моменти од активностите и успесите на секцијата по француски јазик во нашето училиште.

На финалето на  International English Language Competition-Hippo одржано на 9-10. 5. 2015г, во Италија, Ученичката Карина Митрева VI/3 одд. под менторство на наставничката Милена Игњатова  го освои првото место.Честитки за нашата ученичка и и посакуваме уште многу награди.

          На 6.5.2015 год., ученици од шесто до деветто одделение од ОУ „Лазо Ангеловски“ го посетија  Меѓународен саем на книгата, заедно со библиотекарот и предметните наставници по македонски јазик.

Покрај промовирање на една од најзначајните културни манифестации, целта на посетата беше запознавање на учениците со современите книжевни наслови за деца и млади кои имаат битна улога во формирањето на читателската култура. Учениците ги разгледаа изложените книги, се интресираа за содржините, разговараа со одговорните на издавачките куќи, бараа совети за избор на книга итн. На крајот, меѓусебно ги разменија впечатоците од организираната посета истакнувајќи ја желбата за читање книги и значењето на овој организран книжевен настан.

ОУ„Лазо Ангеловски“-општина Аеродром,Скопје согласно Законот за основно образование од 01.05.2015г. до 29.05.2015г. врши запишување на деца кои ќе посетуваат прво одделение во учебната 2015/16 г.

Законска обврска на родителите е да ги запишат во прво одделение од деветтолетката сите деца кои се родени во периодот од   01.01.2009 до  31.01.2010 год.

Родителите треба при уписот да ги достават следниве документи

  Извод од матична книга на родените;

1. Потврда за примените задолжителни вакцини за детето (издадена од надлежна здравствена установа)
2. Потврда за систематски преглед од стоматологот одговорен за училиштето- поликлиника Јане Сандански
3. Запишувањето на децата се врши кај стручната служба, секој работен ден од 9:00 до 17:00 часот.

Со стручните соработници се договара време за разговор со детето на кој треба да присуствува еден од родителите со лична карта.

ДОБРЕ НИ ДОЈДОВТЕ  ПРВАЧИЊА!!!     СО СРЕЌА!!!