На ден 25.01.2016 година Министерката за култура Елизабета Канческа-Милевска денеска оствари средба со ученици од ООУ „Лазо Ангеловски“ кои во изминатиот период беа добитници на повеќе награди на меѓународни и на домашни конкурси и натпревари по ликовно образование и математика. На средбата, на која присуствуваа и директорката на училиштето „Лазо Ангеловски“ Милка Тримчевска и одделенскиот наставник Светлана Јосифовска, беше посочено дека учениците континуирано се добитници на многу признанија, преку кои успешно ја афирмираат културата на Република Македонија во меѓународни рамки. Министерката за култура им честиташе за сите освоени награди и ја поздрави посветеноста на наставниците во акцентирањето на важноста на културата во воспитно-образовниот процес.

На ден 14.1.2016 година во Спомен домот „Мајка Тереза“ беше промовирана првата сликовница на македонски јазик посветена на нашата сограѓанка Мајка Тереза, под покровителлство на Министерството за култура и во присуство на министерката Елизабета Канческа – Милевска и директорката на Спомен домот Рената Кутера-Здравковска. Сликовните илустрации се на Јулија Никовска Пешевска, а стручен консултант е Светлана Јосифовска, одд. наставник од ООУ„Лазо Ангеловски“. Милијана Стојановиќ, ученичка од ООУ„Лазо Ангеловски“ ја изрецитира поемата за Мајка Тереза „Проштевање“, а интерпетираше и извадоци од сликовницата, како и мудри мисли од Мајка Тереза.