На ден 27.04.2016 одина во просториите на нашето училиште беше одржана работилница за Е-твининг, Еуропас и Еурогајденс од страна на претставници од Национална агенција за европски програми и мобилност. На работилницата присуствуваа 20 наставници од нашето училиште.
Целта на одржување на оваа работна средба беше запознавање со мрежите Е-твининг, Еуропас и Еурогајденс кои се дел од програмата Еразмус+ и можностите кои ги нудат.
Школата за уметност „Џолев и уметностите“ – Скопје, распишa ликовен конкурс за редизајн на веќе постоечкиот симбол, од којшто треба да произлезе лого и логотип за новите детски програми.
На конкурсот учествуваа над 100 ученика, а ученичката Јована Манчевска од V-3 одд. доби награда за најдобро иновативно решение.
На 22.04.2016, по повод Светскиот ден на Планетата Земја учениците од III – 3 одделение учествуваа во креативната работилница „Еко тим за рециклирање е-отпад“ и со помош на Фрижидерко, Пегличка, Сијаличка, Телевизорко и Капетан Рециклирко формираа 6 тимови за рециклирање е-отпад.
Тие имаа можност 120 минути да се забавуваат и да учат за негативните влијанија од е-отпадот врз животната средина, за составот на е-отпадот како и за правилното постапување со овој тип на отпад.
Откако боењето беше завршено, цртежите беа залепени на големи хамери и оттука завршија во ходниците на училиштето за да можат и другите ученици да научат повеќе за начинот на постапување со е-отпадот.
На ден 26.04.2016 година едукативниот автобус ги возеше децата од ООУ “Лазо Ангеловски” од Општина Аеродром. Претставниците на МВР и АМСМ се потрудија преку практични примери за основните правила и прописи, да ги едуцираат учениците како безбедно да учествуваат во сообраќајот.
По регионалните квалификации одржани на 23.04.2016 година на коишто учествуваа 46 ученика од ООУ„Лазо Ангеловски, ученикот Горазд Велков од VIII2 одд. се квалификуваше во финалето на Spelling Bee – Државен натпревар за спелување. Ментор-Емицa Здравев,наставник по англиски јазик.
Натпреварот е регистриран како настан што се одржува неколку години со поддршка на волонтерите од Мировниот корпус и American Corner in Macedonia.
