Во периодо од Јули 2015 до Јули 2016 год. во нашето училиште беше реализиран Проектот „Електричниот отпад создава можности – WEEE Creates possibilities“, финансиран од Американската Амбасада во Скопје и имплементиран од Центарот за климатски промени.

Целта на проектот е да ја подигне свеста на населението со фокус на децата од основните училишта во државата за негативните влијанија на електричниот и електронски отпад (ЕЕО) врз животната средина и здравјето на луѓето како и да ја истакне потребата од селектирање на овој отпад.

За време на проектот во училиштето беше поставен пластичен контејнер за одлагање на отпад од електрична и електронска опрема и беа одржани неколку презентации за учениците од целото училиште.

За времетраењето на проектот во нашето училиште беше собран 830 кг. е-отпад и со оваа собрана количина училиштето го освои III место. Финалниот настан во проектот под наслов „Играј, пеј и рециклирај Е-отпад“ се одржа на 29.05.2016 во 14ч, во Градски парк на Школка на кој учествуваа ученици од нашето училиште со неколку точки: ритмичка точка, рецитал, изведба на еко химната и еко песна. За време на настанот трите наградени училишта добија награди од колективниот постапувач Елколект Доо Скопје.

Контејнерот за е-отпад остануваат во нашето училиште и истиот ќе се користи за собирање на електричен и електронски отпад и  во текот на наредната учебна година.

На меѓународниот ликовен конкурс „Пријателство“ оддржан во Стара Загора – Бугарија , Алек Атанасовски и Ана Гривчевска ученици од III-3 одд. добија диплома за најдобар цртеж во многу голема конкуренција, а осум ученици: Лола Михајлова, Матеја Крстевска, Горјан Азманов, Филип Бишкоски, Теона Николова, Вероника Кочовска, Марко Бишкоски и Ксенија Соклевска добија диплома за учество во меѓународниот конкурс.
Учениците работеа под менторство на Марија Матеева- одделенски наставник и Драгана Николова– одделенски наставник. Конкурсот беше организиран од Галерија Галас Арт.

Денес 26.05.2016 година во аулата на ООУ”Лазо Ангеловски” се одржа промоција на активностите на наставниците–членови на eTwinning платформата. Беа претставени 8 паноа со изработки и активности на учениците и наставниците од училиштето.Секое пано претставуваше остров со богатство. Преку понудените мапи присутните родители, колеги од нашето и други училишта и претставници од општината Аеродром и Националната агенција за европски образовни програми и мобилност ги откриваа искористените богатства на оваа платформа. Започнувајќи со националните и интернационалните проекти, соработката со партнерите од Европа, групите на платформата па се до професионалниот развој на наставниците ја направивме оваа промоција вредна за постета што го покажаа и резултатите од спроведената on line анкета. Воедно на оваа промоција беа поделени сертификати на учениците за нивното учество во проектите.

На 21.05.2016 година во нашето училиште за прв пат се организираше Регионален натпревар по природни науки на цел скопски регион за IV и V одделение. На ниво на регион 5.1 учествуваат вкупно 111 ученици од овие две одделенија. Од објавените резултати нашите ученици имаат освоено повеќе награди и пофалници.

IV одделение

• Стефанија Димковска – II место,
• Лина Продановска, Гала Додевска и Јована Таневска – III место

и одат на Републички наторевар.

• Јана Тасевска – III место
• Мина Трајковска, Марко Велјаноски и Марко Ангелов – пофалници.

V одделение

• Марија Станчева – I место,
• Габриела Смиленовска – II место,
• Матеј Спасовски, Мартина Јаначковска, Мариела Стефановска и Милијана Стојановиќ – III место

и продолжуваат на Републички натпревар.

• Ангела Зимбакова – III место,
• Никола Вељановски, Дафне Атанасова и Дара Колевска – пофалници.

На Републички натпревар продолжуваат 10 ученици. Честитки и за учениците и за колегите.