Во конкуренција на илјадници ученици на локално ниво, 600 полуфиналисти, ученичката  Лина Гиразова од IX одделение се пласираше за Меѓународниот натпревар по англиски јазик Hippo кој ќе се одржи на 11-12 мај 2019 година во Италија.

Листата на сите финалисти можете да ја погледнете на следниот линк

http://www.hippo-competition.org/eng/results.html

На 25.04.2019 година се одржа МИМО-заедничка работилница со партнер училиштето ОУ”Алија Авдовиќ”.  Учество земаа учениците од III-1 одделение со наставничките Магдалена Петреска и Ирена Ангелкоска Панова и ученици од III одделение од партнер училиштето со нивната наставничка и психологот.

Темата на заедничката работилница беше “Обичаи и традиција поврзани со празникот Велигден”. При тоа учениците покрај што се запознаа со тоа каков празник е Велигден и зошто се празнува, изработуваа велигденски украси, се дружеа и соработуваа.