На 25.11.2019 година во рамките на проектот германски јазик од прво одделение, а во соработка со Гете Институт Скопје, се одржа креативна јазична работилница. Во рамките на работилницата учествуваше писателот и илустратор Јенс Расмус од Германија. Во рамките на работилницата учениците имаа можност да го слушаат германскиот јазик од мајчин говорител, да разговараат со него на интересни теми како животни, пријателство, активности во слободно време и заедно со писателот да илустрираат и напишат мала книга на германски јазик.
Monthly Archives: November 2019
Меѓународна изложба “13 Ноември”
На 13.11.2019 година се одржа свечено доделување на награди на ликовниот конкурс организиран од страна на Детскиот ликовен центар по повод “13 Ноември”, денот на ослободувањето на градот Скопје, на кој се закитија со награди нашите ученици: Филип Трифунов II-5 одд., Ванеса Димовска VI-5 одд. и Давид Ангелов III-5 одд. Честитки за освоените награди им посакуваме уште поголеми успеси во иднина.
Ноември-Месец на науката 2019
На ден 16.11.2019 година на манифестацијата „Ноември-Месец на наука 2019“ во организација на Македонско биолошко друштво и Природно математички факултет од Скопје, во групата природни науки од прво до шесто одделение, трето место за изведување на експеримент освои ученичката Нина Панчевска од III-2 одд., ученикот Марко Панчевски од V-4 одд. освои втора награда, а ученикот Филип Добковски од III-1 одд. доби сертификат за учество.
Во областа биологија ученичките Екатерина Атанасова од VII-4 одд. освои трето место со обермаеров тест и ученичката Пела Серафимов од VII-1 одд. исто така освои трето место со микроорганизми/бактерии.
Училишен натпревар по француска писменост
На училишниот натпревар по француска писменост прво место освои ученичката Ена Велеска од VII-6 одд и второ место ученикот Кристијан Дамјановски од VII-3 одд.
Посета на DSSMITH (поранешна Комуна)
На ден 8.11.2019 година учениците од актив трето ја посетија работната организација DSSMITH (поранешна Комуна) со цел да се запознаат за својствата на хартијата, нејзината обработка, доработка и рециклирање. Истата тема се изучува во месец ноември по предметот природни науки.
