Во периодот од 26-28.04.2021 година беа реализирани виртуелни активности како дел од краткорочни настани за обука на заеднички персонал во рамките на Еразмус+ КА229 проектот „Поинакво образование во училницата во природа“ . Училиште-домаќин на виртуелните активности беше партнер-училиштето од Естонија, а во активностите учествуваат наставници од сите четири партнер-училишта во проектот: од Латвија, Романија и Македонија. Наставници од нашето училиште кои учествуваа во активностите беа: Елена Кузманова, Даниела Давковска, Жаклина Колевска и Весна Стрезовска. Активностите се реализираа преку платформата MS Teams (26 и 28.04.2021) и апликација Zoom (27.04.2021).

Цели:

• Запознавање со образовниот систем во Естонија
• Запознавање со моделот на Slow Movement
• STEM предмети надвор од училницата – претставување на можности за реализација на предметите надвор од учиницата (во природа) и прилагодување на училишната околина за имплеменатција на истите (часови во природа/надвор, одмори и воннаставни активности надвор и сл.): размена на искуства и примери на добри пракси
• Сумирање на на досега остварените проектни активности и исходи

Атмосферата од реализираните активности на 26.04.2021 година

Атмосферата од реализираните активности на 27.04.2021 година

Атмосферата од реализираните активности на 28.04.2021 година

По повод одбележувањето на 100- годишнината од раѓањето на Блаже Конески, Министерството за образование и наука на ден 11.03.2021 година објави Конкурс за ученици од основното образование инспирирани од делата на Блаже Конески.

Согласно критериумите утврдени во Конкурсот, Комисијата избра најдобра поетска творба и најдобар расказ. Од нашето училиште, ученичката Вероника Илиевска Тосковска од VI-6 одделение е на листата на најдобри творби во расказ. Резулатите од конкурсот можете да ги погледнете на следниот линк.

Во рамките на нашиот Еразмус+ КА229 проект „Млади новинари денес – одговорни дигитални граѓани утре“ 5 партнер училишта во проектот заеднички изработија Дигитална повеќе јазичен речник со медиумски поими. Дигиталниот речник беше едитирана од страна на партнер-училиштето од Романија. Тој содржи 15 медиумски поими кои се достапни на 6 јазици. Дигиталниот речник е изработен во веб апликација Genially и е достапен на следниот ЛИНК. Со кликање на иконите (на пр. на иконата Hashtag) поимите се достапни на шестте јазика (англиски, македонски, хрватски, српски, романски и шпански).

На 17.04.2021 година онлајн се одржа Регионалниот натпревар по англиски јазик. Учениците од нашето училиште ги постигнаа следните резултати:

V одделение (ментор Оливера Доновски)

• 1 место: Павел Зафировски
• 2 место: Кирил Здравев

VI одделение (ментор Мирослава Павлова-Аневска)

• 1 место: Мила Настевска 
• 1 место: Александар Цветковски

VII одделение (ментор Морфа Петровска)

• 1 место: Ева Георгиевска
• 2 место: Горјана Андреска

VIII одделение (ментор Љубица Ружинска)

• 1 место: Ена Велеска
• 1 место: Сара Костова

IX одделение (ментор Маја Тенев)

• 1 место: Марија Поповска
• 2 место: Миа Драгнич

Сите ученици се пласираа за учество на Државниот натпревар.